Unitarismu universalista

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Unitarismu universalista}} ~~~~

El unitarismu universalista ye un movimientu relixosu lliberal de calter pluralista, anque con raigaños históricos nel cristianismu protestante.

Surde al constituyise l'Asociación Unitaria Universalista (Unitarian Universalist Association o UUA) el 25 de mayu de 1961 n'Estaos Xuníos como resultáu de la fusión ente l'Asociación Unitaria Americana y la Ilesia Universalista d'América.

Dada la predominancia numbérica de los unitarios sobre los universalistes, popularmente y nos medios de comunicación siguía utilizándose el nome de unitarios pa referise al conxuntu del movimientu. La UUA decidió entós promover el nome conxuntu "unitarios universalistes" pa referise a los sos miembros y simpatizantes, y afaló a les ilesies locales que caltuvieren el so nome anterior a la fusión por qu'incorporaren el nome combináu. Esta política tuvo un relativu ésitu y un númberu creciente d'ilesies, tantu les antigües como les formaes dempués de la fusión, utilicen la denominación unitaria universalista (que davezu apaez embrivida como UU) nel so nome y los sos documentos. Sicasí, ente la mayoría de la población d'Estaos Xuníos sigue falándose genéricamente de unitarios o de Ilesia Unitaria a seques.